Gloria Blog

聽日要放產假啦.. 公司重有好多工作未完成.. 只能完成左要交給別人來做個d.. 想後日返多一次公司黎清理一下..枱上的文件重有好多好多…..呢晚都留到八點之走… 途中諗左好多野… 回到家後不想說話…上網週圍去睇下… 一下子又情緒低落… 唉.. 可能真係太攰…. 好想大哭一場

這星期真的忙爆… 就係煩公司野囉.. 事情發生突然.. 呢個世界真係好多野好難預計.. 身邊的同事都好好.. 大家都好合作… 黎緊呢兩個月真係大家要忍耐一下… 好多工作還是待我回來再處理吧..也要多謝各部們的姐妹幫忙… 辛苦你地啦……我知你地唔想我太掛心… 但真的担心呢…. 希望呢兩個月沒麻煩事發生啦!

係呢度要祝福李小姐.. 你有好的前景我都很替你高興.. 雖然呢個時間對我黎講唔係適合時間.. 但有咁的條件真係唔好錯過呢… 祝你事事順利,囝囝聽聽話話

近來我的腦都是想著公司事,Blog都冇心機寫,明天是正式放產假啦,希望有時間補回啦!

尋日又去左廣華做產檢,雖然係見助產士小組,但今次就留左成個多鐘,因為Check左三次血壓,頭兩次都有d偏高,所以都要坐定定等個人靜落黎再check過,到第三次就normal返,個助產士都有好詳細解釋今次主要睇我的體重,血壓,最近有冇頭暈,腳和身體有沒有水腫等, 因為呢個時候好易有妊娠毒血症,幸好一齊正常

呢個星期竟然重左2kg.. 真係估唔到,助產士話應該係個人開始腫所以重得多,叫我唔好因為咁而少食野.. 而血壓方面.. 可能我食完野之上去,尋日又有點熱,去到個人都未cold down夠,所以血壓高左少少.. 因已過37週,今次要抽血Check有冇貧血,問題應該不大

呢個星期真係訓得唔好,前兩晚零晨一點醒左又訓唔到,睇左一個鐘電視再去訓,今朝又一早六點醒左就訓唔返..見肚餓.. 就提早返公司食早餐..計下計下返多六.七日就放產假啦.. 其實我好担心呢個星期突然要生.. 好似好多公司野未攪掂

另外好多謝各位朋友送的禮物.. 遲d再一一答謝各位

今早去左Dr. So度照BB,依家BB大約重5磅11安士.. 進度唔錯呀.. 兩個星期就多左1磅,Dr. So話我都有可能會提早生,叫我注意一下,今次BB個樣開始睇得唔太清楚啦.. 因為太貼

照完後就去左配眼鏡,跟住去左荔枝角睇BB衫,早兩日雪文話我知有間法國牌子的童裝店開倉,佢妹妹話d野都好抵,果然冇介紹錯,一百蚊三件.. 我買左六件,有夾衣同薄外套,另外一件厚少少的外套都係50蚊.. 真係好過一田或永安減價個d款.. 後來留埋名同電話..佢地話下次再開倉會通知我.. 咁都唔錯呀..d款同質地真係幾好

早兩日執好個走佬袋,明天要執埋個出院袋.. 一齊就準備好晒..BB真係隨時話黎就黎

時間真係話咁快就過.. 還有兩天就到37週.. 星期三係廣華做產檢時,醫生都叫我執好個走佬袋,真係隨時就生得.. 不過呢個星期六會再去Dr. So度照BB睇下佢依家的情況如何.. 呢三個星期好彩重得1kg唔太多.. 咁又即係話重左落BB度多左啦…. 希望保持呢個進度..BB乖乖地.. Dr. So話出世時應該有七磅多

由下星期開始就每個星期三都要返廣華做產檢… 重有返多兩星期工就正式放產假啦…

心情唔太緊張.. 不過呢個星期每朝返工都覺得好辛苦.. 因為個人好熱.. 返到公司真係身水身汗..上午時間最難過,又眼訓.. 下午就好d..可能個肚真係大啦.. 食野多個胃就唔太舒服.. 又係要分開食.. 每朝六點幾就餓醒左.. 深夜又係維持去兩,三次廁所..

早兩日接到美寶電話.. 原來佢都知以前間中學的校友會係11月15號攪BBQ.. 之前我講左唔去架啦.. 但又知好耐冇見的舊同學會返.. 真係超想返去.. 可惜老公嗰日有約.. 唔比我自己返..唉… 冇法啦… 我生左之後你地要黎探我.. 真係好耐冇見你地..

最初係私家Check時,Dr. So話係11月27日,不過後來政府就話係11月22號,我一直都以私家那個計算.. 但依家決定係政府生喎.. 我諗應該以政府那個作準… 即係我倒數的日子又少左5日,還有27天呢….返多兩個多星期工就放產假啦.. 呢兩,三個星期真係冇心機做野

尋日去左廣華做產檢,今次好意外體重竟然冇重到,反而輕左0.3kg… 個助產士話要即刻見醫.. 本來好快就可以離開,但都要等多45分鐘見醫生,醫生話輕左好多原因,最緊要個BB有大到,暫時度到個BB係中等Size.. 叫我唔駛太担心.. 其實我反而冇乜野喎!係助產士比較緊張.. 呢兩,三個星期都食得唔少.. 不過就分開時間黎食野.. 唔敢一次食太飽.. 可能咁的原因,體重沒有升得之前咁快.. 30週嗰時磅都只係比對上一次重左少少,而呢次輕左0.3kg,不過都唔可以掉以輕心.. 助產士都係提我少食糖份的野,因為我的血糖都係剛好合格.. 要多注意飲食便可.. 數下手指真係得個半月多d BB就出世啦.. 心情現在還可以啦… 還有BB的日用品未買齊,呢兩個星期要攪掂埋之得呢!

上星期日冇野做就去左沙田探Ming & Wing’s BB,呢個係大隻BB黎架.剛滿月依家有11磅有多呢.. 勁..

老公話好想試下餵BB.. 就叫左Ming教佢沖奶,同洗奶樽.. 重教埋個煲奶樽機點用添..
到正式要餵… BB對眼一直咁望住老公.. haha佢一定好奇怪點解有位生面口的叔叔黎餵佢,但又肚餓喎.. 所以一直都好順利.. 四安的奶係十分鐘內就飲晒
大家覺得呢位準爸爸合唔合格呢!

photo by wing

真係好耐冇買過十字繡雜誌, 星期六終於買左Cross Stitcher 的X’mas Issue,呢期係附送我至愛的Margaret Sherry 的月曆,之前兩年一d都唔吸引,所以我都冇再訂,09年呢個真係好正.. 另外今日又去逛下Cross Stitcher 的官方Blog,原來依家可以download返過往每期都刊的字母pattern.. 當然係Margaret Sherry的出品啦.. 

Margaret Sherry’s alphabet 

不經不覺已經30週啦.. 時間真係過得好快.. 進入倒數的十個星期,尋日分別去左廣華同Dr. So度做產檢,今次唔係重左好多都安樂d,姑娘都係提我記得要少食多餐,而去Dr. So度主要係照超聲波睇下BB的狀況,依家已經有3磅1安士,正常Size,今次佢用手遮住面部,睇得唔係好清楚,只係睇到一隻耳仔同個嘴仔.. 醫生同老公都話有d似我.. 這星期實在太焗.. 係街度行真係想死好似呼吸唔到咁.. 又成日想訓… 今日終於有雨落啦.. 希望d天氣涼返d個人會冇咁辛苦

(照片後補)